Англиялик яримҳимоячи Алекс Окслейд-Чемберлен «Селтик»да қоладиган бўлди. Бу ҳақда клуб расмий сайти хабар берди.
Қайд этилишича, 32 ёшли футболчи Глазго клуби билан бир йиллик битим имзолаган.
«Селтик»да яна бир мавсум қолаётганимдан хурсандман. Йигитлар билан кўришишни ва машғулотларни бошлашни интиқлик билан кутяпман. Умид қиламанки, келаси йил биз учун яна бир муваффақиятли мавсум бўлади», — деди Окслейд-Чемберлен.
Маълумот учун, Алекс 2026 йилнинг феврал ойида «Селтик» сафига келиб қўшилган. Мавсумнинг иккинчи ярми давомида «Ливерпул»нинг собиқ хавбеки 12 та ўйинда майдонга тушиб, 2 та гол урди. Англиялик футболчи шотланд клуби таркибида мамлакат чемпионлигини қўлга киритди.
