«Атлетико» дарвозабони Ян Облак жамоа Ла Лига чемпионлиги учун курашаётганини таъкидлади.
«Шуни ишонч билан айтам оламанки, биз чемпион бўлишга ҳаракат қиламиз. Жуда кучли рақиблар — «Реал» ва «Барселона» билан рақобатлашяпмиз. Аммо «Атлетик», «Вилярреал», «Бетис» каби жамоалар ҳам бор.
Ҳар йили Ла Лигада ўйнаётган эканмиз, мақсадимиз ғалаба қозониш бўлади. Мақсадимиз фақат Чемпионлар лигасига йўлланма олиш учун курашмаймиз. Вазифамиз қанчалик қийин бўлмасин, унга эришиш учун ҳаракат қиляпмиз», — дея Облакнинг сўзларидан келтиради Marca нашри.
Маълумот учун, «матрасчилар» Ла Лиганинг 6 та туридан кейин 13 очко жамғариб, турнир жадвалида 4-ўринни эгаллаб турибди. Пешқадам «Барселона»дан 5 очко ортда қолмоқда.
«Атлетико» 20 сентябр куни Ла Лиганинг 7-турида ўз майдонида «Реал»ни қабул қилади.
