«Челси»нинг собиқ яримҳимоячиси Жон Оби Микелнинг фикрича, «Манчестер Юнайтед» Унаи Эмерини бош мураббий этиб тайинлаши керак. У бу лавозимга номзод сифатида тилга олинаётган Эдди Ҳау ва Юлиан Нагелсмандан испанияликни афзал кўради.
«На биринчиси, на бошқаси. Мен Унаи Эмерини танлаган бўлардим. Мен у «Астон Вилла»ни тарк этади деб ўйламайман, лекин агар сиз унга тўлиқ карт-бланш берсангиз... Агар сиз унга чексиз бюджет берсангиз ва: «Эшит, Унаи, биз энди бу йўлдан боришни хоҳламаймиз. Биз чарчадик, мухлислар клубда бўлаётган ишлардан чарчаган. Биз ҳаммасини бошидан бошламоқчимиз ва сен бизга керак бўлган одам эканлигингга ишонамиз», - деди собиқ футболчи ўзининг подкастида.
Маълумот учун, гарчи «Манчестер Юнайтед» навбатдаги мағлубиятдан сўнг, чемпионатда 16-ўринга тушиб кетган бўлса-да, Майкл Кэррик ҳамон бош мураббийлик лавозимини сақлаб турибди.
