Швейцариялик мутахассис Фабио Челестини Чемпионшип иштирокчиси «Бёрнли» клуби бош мураббийига айланди.
«Фабио жамоага иштиёқ, тажриба ва билим олиб киради. Биз айнан шундай мутахассисни излаётган эдик. У «Бёрнли»да ишлаш учун улкан қатъият ва кучли истак борлигини намоён этди. Бизга айнан шу ерда бўлишни ва клубнинг ривожланишига ёрдам беришни чин дилдан истайдиган инсонлар керак. Фабио бунга ёрқин мисол бўла олади», — дея спорт директори Диего Лопеснинг сўзларини клубнинг расмий сайти келтирмоқда.
Челестини ўтган мавсум охирига қадар Москванинг ЦСКА клубини бошқарган ва жамоа билан Россия Суперкубогида ғолиб чиққан эди.
Чемпионшипда ўтказилган 12 та учрашувдан сўнг «Бёрнли» 8 очко жамғарган ва турнир жадвалида 22-ўринни эгаллаб турибди.
