Дунёнинг 12-ракеткаси, сербиялик теннисчи Новак Жокович кетма-кет 21-мавсумида камида 20 та ғалабани қўлга киритди. Бугун, 28 октябр куни Швейцариянинг Базел шаҳрида бўлиб ўтган ATP-500 турнирининг очилиш ўйинида у жаҳон рейтингида 38-ўринни эгаллаб турган, франциялик Уго Умберни мағлубиятга учратди. Учрашув 4:6, 6:3, 6:4 ҳисобида якунланди.
Сербиялик теннисчи ўтказилган сўнгги етти учрашувнинг олтитасида ғалаба қозонган. У аввалроқ Пекинда бўлиб ўтган ATP-500 турнири чемпионлигини қўлга киритганди, кейин эса Шанхайдаги «Мастерс» мусобақасининг стартидаёқ мусобақадан чиқиб кетган.
Иккинчи даврада Жокович Германия вакили Ян-Леннард Штруффга қарши кортга чиқади.
Маълумот учун, 26 октябрда старт олган Базелдаги мусобақа 1 ноябргача давом этади. Амалдаги чемпион бразилиялик теннисчи Жоау Фонсека ҳисобланади.
