Англиянинг «Брайтон» клубининг хорватиялик ҳимоячиси Лука Вушкович фаолиятини Англия Премер-лигасининг бошқа бир клубида давом эттириши мумкин, деб хабар беради инсайдер Экрем Конур ижтимоий тармоқлардаги саҳифаси орқали.
«Ливерпул» клуби футболчининг ўйинларини диққат билан кузатиб бормоқда. Мерсисайдликлар Вушковични голландиялик Виржил ван Дейкнинг вориси сифатида кўришмоқда.
«Брайтон», ўз навбатида, агар футболчиси трансфери учун 120 миллион евро таклиф қилинса, у билан хайрлашишга тайёр.
Маълумот учун, Англия чемпионатининг жорий мавсумида 19 ёшли хорватиялик футболчи саккизта ўйин ўтказиб, 1 та гол урди. Унинг амалдаги шартномаси 2031 йилнинг июн ойи охиригача мўлжалланган.
Эслатиб ўтамиз, 8-турдан кейин 16 очко жамғарган «Брайтон» учинчи ўринни эгаллаб турибди ва тўртинчи поғонадаги «Ливерпул»дан 1 очко олдинда бормоқда.
