«Манчестер Юнайтед» клуби бош мураббий Майкл Кэррикнинг келажаги бўйича қарорни ноябр ойидаги халқаро ўйинлар учун юзага келадиган танаффус вақтида қабул қилишни режалаштирмоқда. Бу ҳақда TEAMtalk нашри хабар берди.
Манбага кўра, FIFA кунларидаги танаффус мутахассиснинг жамоадаги келажагини белгилаб берадиган ҳал қилувчи давр бўлади. Клуб раҳбарияти Кэррикка иккита ўйинда ўзини кўрсатиш имкониятини берган. Ушбу баҳсларда «Манчестер Юнайтед» «Челси» ва «Астон Вилла»га қарши майдонга тушади.
Бундай қарор клуб узоқ муддат давомида вақтинчалик бош мураббий тайинлашдан қочишни истагани сабабли қабул қилинган. Бундан ташқари, Кэррик «Манчестер Юнайтед» директори Жейсон Уилкокснинг шахсий қўллаб-қувватловига ҳам эга.
Маълумот учун, «қизил иблислар» Англия Премер-лигасининг ортда қолган 8 та туридан кейин 7 очко тўплаб, 16-ўринда бормоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади