Англиянинг «Манчестер Сити» ва Лондоннинг «Арсенал» клубларининг франциялик собиқ яримҳимоячиси Самир Насри Франция ва Испания миллий жамоаларини таққослашга негатив муносабат билдирди.
«Испаниянинг жуда аниқ футбол фалсафаси бор. У ерда мураббий ўзгарган тақдирда ҳам, қандай футбол ўйнаш кераклигини барча, жуда яхши билади. Франциянинг ўз ўйин услуби йўқ. Англия ҳақида ҳам худди шундай деса муболаға бўлмайди», — дея Самир Насрининг сўзларидан иқтибос келтиради The Touchline нашри ўзининг X ижтимоий тармоғидаги саҳифасида.
Эслатиб ўтамиз, Франция ва Испания миллий жамоалари ёзда АҚШ, Канада ва Мексика мезбонлигида ўтган жаҳон чемпионати-2026 яримфинал босқичида ўзаро рўбарў келди. Испанлар ўша ўйинда Оярсабал ва Порронинг голлари эвазига 2:0 ҳисобида зафар қучган эди. Кейинчалик де ла Фуэнте шогирдлари жаҳон чемпионати олтин медалларини қўлга киритди, Франция эса тўртинчи ўрин билан чекланишга мажбур бўлди.
