«Лейпциг» клуби ҳимоячиси Кастелло Люкеба Европанинг бир қатор топ клублари трансфер мақсадига айланган.
Инсайдер Экрем Конурнинг ижтимоий тармоқлардаги маълумотига кўра, франциялик 23 ёшли футболчисига «Манчестер Юнайтед», «Челси», «Ливерпул», «Барселона» ва «Бавария» клублари қизиқиш билдирмоқда.
Келгуси трансфер ойнасида Люкебани ўз сафига қўшиб олиш учун бир нечта гранд клублар ўртасида жиддий рақобат юзага келиши мумкин.
Маълумот учун, марказий ҳимоячи 2023 йил августидан буён «буқалар» cафида ўйнамоқда. Унинг «Лейпциг» билан амалдаги шартномаси 2029 йилнинг 30 июн кунига қадар мўлжалланган.
Transfermarkt портали Кастелло трансфер қийматини 50 миллион евро деб баҳоламоқда.
