«Ноттингҳэм Форест» «Кристал Пэлас» ҳимоячиси Даниел Муниос трансфери бўйича музокараларни бошлади. Фабрицио Романонинг хабар беришича, «Форест» шартларни келишиш учун «бургутлар» билан бевосита боғланган. Футболчининг ўзи ҳам трансферга қизиқиш билдирмоқда.
30 ёшли латьерал «Кристал Пэлас» сафида 2024 йил январидан бери тўп тепмоқда. Унинг клуб билан амалдаги шартномаси 2028 йил июнигача мўлжалланган. Муниоснинг трансфер қиймати 22 млн еврога баҳоланмоқда.
Маълумот учун, Даниел ўтган мавсумда АПЛда 29 та учрашувда майдонга тушиб, 4 та гол урди ва 3 та ассист қайд этди.
