Мадриднинг «Реал» клуби бош мураббийи Жозе Моуринио жамоасининг ўйинидан қай даражада мамнун эканлиги ҳақида гапирди.
Шанба куни «қаймоқранглилар» Ла Лига доирасидаги ўйинда ўз майдонида «Райо Валекано»ни тор-мор этди (4:1). Ўйиндан кейинги матбуот анжуманида португалиялик мутахассисдан нима учун баъзан захира ўриндиғида жаҳлдор ва хавотирда ўтиргани ҳақида сўрашди.
«Менинг жаҳлим чиқмади, аксинча, мамнунман. Бироқ биз атиги бир неча ҳафтадан бери бирга ишлаяпмиз. Мукаммал жамоани 3 кунда ёки 3 ойда, баъзан ҳатто уч йилда ҳам қуриб бўлмайди. Мен жамоамизда кўплаб ижобий жиҳатларни кўряпман. Биз қадамма-қадам ривожланишга ҳаракат қиляпмиз», – дея Моуринюнинг сўзларидан иқтибос келтиради Madrid Zone.
“Реал” Испания чемпионатининг беш туридан сўнг 12 очко жамъғарди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади