Madridning «Real» klubi bosh murabbiyi Joze Mourinio jamoasining o‘yinidan qay darajada mamnun ekanligi haqida gapirdi.
Shanba kuni «qaymoqranglilar» La Liga doirasidagi o‘yinda o‘z maydonida «Rayo Valekano»ni tor-mor etdi (4:1). O‘yindan keyingi matbuot anjumanida portugaliyalik mutaxassisdan nima uchun ba’zan zaxira o‘rindig‘ida jahldor va xavotirda o‘tirgani haqida so‘rashdi.
«Mening jahlim chiqmadi, aksincha, mamnunman. Biroq biz atigi bir necha haftadan beri birga ishlayapmiz. Mukammal jamoani 3 kunda yoki 3 oyda, ba’zan hatto uch yilda ham qurib bo‘lmaydi. Men jamoamizda ko‘plab ijobiy jihatlarni ko‘ryapman. Biz qadamma-qadam rivojlanishga harakat qilyapmiz», – deya Mourinyuning so‘zlaridan iqtibos keltiradi Madrid Zone.
“Real” Ispaniya chempionatining besh turidan so‘ng 12 ochko jam’g‘ardi.
Muxlislar bu yangilikni Telegram’da muhokama qilmoqda
Izohlar Telegram’da ochiladi