«Ювентус» собиқ бош мураббийи Тиаго Мотта «Монако»да Ади Ҳюттер ўрнини эгаллашга номзодлар қаторида. Бу ҳақда Footmercato хабар бермоқда.
Мавсум стартидаги натижалардан қониқмаган монегаскликлар раҳбарияти янги мураббий излаш ишларини бошлаб юборишган. Шорт-листда 2025 йил март ойида «Ювентус»дан кетганидан бери ишсиз бўлиб турган Мотта ҳам бор.
Айни вақтда «Монако» Лига 1да 13 очко билан 5-ўринни эгаллаб турибди. Чемпионлар Лигасида эса жамоа дастлабки икки турда атиги 1 очко олди — «Брюгге»дан (1:4) мағлубият ва «Манчестер Сити» (2:2) билан дуранг.
