«Реал» ҳужумчиси Килиан Мбаппе янги мавсум олдидан жамоанинг мақсадлари ҳақида фикр билдирди.
«Мавсумолди тайёргарликнинг илк кунлариданоқ ўзимни тўлиқ намоён этишга ҳаракат қиляпман. Ҳозир қаттиқ меҳнат қилиш керак бўлган давр. Расмий учрашувлар бошланганидан кейин эса юкламани тўғри тақсимлашимизга тўғри келади. Айни пайтда бор кучимизни ишга солиб, ўйин ритмини ҳис қилишимиз ва чемпионатдаги биринчи учрашувга яхши тайёрланишимиз керак.
Биз ғалаба қозонишимиз шарт. Ишонаманки, бу мавсумда яна совринларни қўлга киритишга қайтамиз. Биз айнан шуни хоҳлаяпмиз ва шундай бўлади.
Жамоанинг бунга жиддий тайёрланаётганини ҳис қиляпман. Бутун мавсум давомида мухлисларимизни хурсанд қилиш учун бор эътиборимизни шу мақсадга қаратамиз.
Жамоа билан биргаликда совринларни қўлга киритиш ва мухлисларни хурсанд қилишдан муҳимроқ нарса йўқ», — дея Мбаппенинг сўзларидан келтиради клуб расмий сайти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади