«Астон Вилла» ҳужумчиси Дониэлл Мален фаолиятини «Рома»да давом эттиради.
Нидерландиялик футболчи ижара асосида 2 миллион еврога Рим клубига ўтди. Агар «бўрилар» еврокубокларга йўлланма қўлга киритишса, 26 ёшли форвардни 25 миллион еврога сотиб олишга мажбур.
Дониэлл янги жамоасида Элдор Шомуродов ўйнаган 14-рақамни олди.
Мален бу мавсумда бирмингҳэмликлар сафида барча турнирларда 29 та ўйинда майдонга тушиб, 7 та гол урганди.
Олдинроқ Мадриднинг «Атлетико»си ҳам ҳужумчини ўз сафига қўшиб олиши мумкинлиги хабар қилинганди.
