«Наполи» яримҳимоячиси Скотт Мактоминей юрак билан боғлиқ муаммолар сабаб ўтказилган тиббий муолажадан кейин клуб базасига қайтди. Бу ҳақда Goal хабар берди.
Манбага кўра, 29 ёшли футболчи ҳозирча умумий гуруҳ билан машғулотларда қатнашмаяпти. Мактоминей клуб базасида индивидуал дастур асосида шуғулланган ва тренажёр залида машғулот ўтказган.
Шотландиялик футболчи соғлиғи билан боғлиқ муаммо сабаб «Интер», «Болоня» ва «Фиорентина»га қарши баҳсларни ўтказиб юборган эди. Эндиликда унинг тикланиш жараёни босқичма-босқич давом этмоқда.
Манбада қайд этилишича, «Фрозиноне»га қарши 10 октябр куни бўлиб ўтадиган баҳс Мактоминейнинг майдонга қайтиши учун эҳтимолий сана сифатида кўрилмоқда. Бироқ унинг ушбу беллашувда иштирок этиши тикланиш жараёнига боғлиқ бўлади.
Маълумот учун, Мактоминей ушбу мавсум «Наполи» сафида барча турнирларда 2 та баҳсда майдонга тушган ва самарали ҳаракатлари билан ажралиб турмаган.
