UFC президенти Дана Уайт Конор Макгрегор иштирокидаги жангни Ирландия пойтахти Дублиндаги «Кроук Парк» стадионида ташкил этиш имкониятини кўриб чиқмоқда.
«Мен кўп йиллардан бери «Кроук Парк» ҳақида гапириб келаман. Конор Макгрегорнинг у ерда жанг ўтказиши имкониятини ҳам муҳокама қилганмиз.
Доим имкон қадар энг йирик жангларни ташкил этишга интиламан. Шунинг учун «Кроук Парк» бундай тадбир учун ажойиб майдон бўларди», — деди Уайт.
Маълумот учун, Дублинда жойлашган «Кроук Парк» стадиони 82 минг томошабинни ўз бағрига сиғдира олади. У ерда гэл футболи бўйича учрашувлар ўтказилади, шунингдек, футбол бўйича Ирландия миллий жамоаси ҳам ўз уй ўйинларини шу ерда ўтказади.
Эслатиб ўтамиз, ирландиялик Макгрегор аввалроқ ММАдаги навбатдаги жанги профессионал фаолиятидаги сўнггиси бўлишини маълум қилган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади