Германиялик мутахассис Йоахим Лёв Гана миллий жамоаси бош мураббийи бўлишга яқин экани ҳақидаги хабарларни рад этди.
Германия миллий жамоасининг собиқ бош мураббийи бу борада қуйидагича гапириб ўтди: «Ганадан ҳеч ким мен билан расман гаплашгани йўқ».
Маълумот ўрнида, Африка жамоаси мундиал гуруҳ босқичида L гуруҳидан жой олган. Ганаликлар унда Англия, Панама ва Хорватия сингари жамоалар билан куч синашади.
Аввалроқ Гана миллий жамоаси бош мураббийи Отто Аддо ўз лавозимидан озод этилгани маълум қилинганди.
