Ҳужумчи Ромелу Лукаку «Наполи» асосий таркиби машғулотларидан четлатилиши мумкин.
Можарога футболчининг клуб билан келишмаган ҳолда Белгия миллий жамоаси қароргоҳини тарк этиб, ўз ватанида индивидуал машғулотлар ўтказишга қарор қилгани сабаб бўлган.
Неаполликлар раҳбарияти форварднинг шахсий мураббий билан шуғулланиш учун АҚШ ва Мексикага қарши ўртоқлик ўйинларини ўтказиб юборишидан норози.
Клуб футболчи қайтиши учун муддатни 31 март этиб белгилади. Агар талаб бажарилмаса, Лукакуга нисбатан интизомий чоралар қўлланилади, жумладан, қайдномадан четлатилиш ва пул жаримаси белгиланиши мумкин.
