«Лидс» Ҳаррисонни МЛС клубига сотди

«Лидс» вингери Жек Ҳаррисоннинг АҚШнинг МЛС чемпионатида иштирок этувчи «Ню-Инглэнд Революшн» клубига ўтгани эълон қилинди.

29 ёшли футболчи янги клуби билан шартнома имзолади. Трансфер қиймати ошкор қилинмади.

Ҳаррисон «Лидс»га илк бор 2018 йил ёзида «Манчестер Сити»дан ижара асосида келганди. У Марсело Биелса бошчилигида жамоага Чемпионшип ғолиблигини қўлга киритиш ва 16 йиллик танаффусдан сўнг Англия Премер-лигасига қайтишда ёрдам берган.

2021 йил ёзида «Лидс» инглиз футболчисининг трансфер ҳуқуқини тўлиқ сотиб олди. Кейинги мавсумда эса унинг «Брентфорд»га қарши баҳснинг қўшимча дақиқаларида урган ғалаба голи жамоанинг Премер-лигадаги ўрнини сақлаб қолишига ёрдам берди.

2025/26 йилги мавсумда Харрисон «Лидс» сафида 13 та беллашувда майдонга тушди. Шундан сўнг у ижара асосида Италиянинг «Фиорентина» клубига ўтди ва у ерда 22 та ўйинда иштирок этди.