Бразилиялик ҳужумкор яримҳимоячи Филиппе Коутиниога Испаниянинг учта клуби қизиқиш билдирмоқда.
Унга «Элче», «Райо Валекано» ва «Жирона» жамоалари даъвогарлик қилмоқда. Аввалроқ яримҳимоячини ЦСКА ҳам трансфер қилиш имкониятини кўриб чиқаётгани маълум қилинганди. Бироқ Филиппе фаолиятини юқори савияда давом эттиришни истамоқда. Transfermarkt портали маълумотларига кўра, футболчининг нархи 3,5 миллион еврони ташкил этади.
Эслатиб ўтамиз, Коутинио «Васко да Гама» мухлисларининг босими сабабли билан клуб билан шартномасини муддатидан олдин бекор қилганди. Айни пайтда Филиппе эркин агент ҳисобланади.
