«Бавария» ва Англия миллий жамоаси ҳужумчиси Ҳарри Кейн 2026 йил якунларига кўра «Олтин тўп» соҳиби бўлди. 33 ёшли футболчи фаолиятида илк бор ушбу нуфузли мукофотни қўлга киритди.
Шу тариқа, Кейн ушбу совринни қўлга киритган бешинчи англиялик футболчига айланди. Англиянинг биринчи ғолиби 1956 йилда «Блэкпул» вакили Стэнли Мэттюз бўлган.
1966 йилда «Манчестер Юнайтед» футболчиси Бобби Чарлтон мукофотни қўлга киритган бўлса, 1978 ва 1979 йилларда «Ҳамбург»да тўп тепган Кевин Киган ғолибликни нишонлаган.
Кейнга қадар «Олтин тўп»ни қўлга киритган сўнгги англиялик футболчи Майкл Оуэн эди. «Ливерпул» ҳужумчиси 2001 йилда ушбу совринга сазовор бўлган.
Маълумот ўрнида, «Олтин тўп» ҳар йили France Football журнали томонидан йилнинг энг яхши футболчисига топширилади.
Аввалроқ «Бавария» ҳужумчиси совринни қўлга киритгач, ижтимоий тармоқдаги саҳифасида пост қолдирганди.
