Шотландиянинг «Селтик» клуби ҳамда Дания миллий жамоаси дарвозабони Каспер Шмейхел профессионал фаолиятини якунлаганини маълум қилди.
39 ёшли посбоннинг айтишича, бунга елкасидаги жиддий жароҳат сабаб бўлган.
«Елкам бўйича бир нечта жарроҳ ва мутахассислар билан маслаҳатлашдим. Улар элит футболга қайтишимга умид қилмаслик кераклигини айтишди.
Мен узоқ ўйладим ва ҳозир фаолиятни тугатиш учун энг тўғри вақт деб қарор қилдим», — деди Шмейхел.
Каспер Шмейхел фаолияти давомида бир қатор йирик муваффақиятларга эришган.
У «Лестер» сафида 2015/16 йилги мавсумда сенсацион тарзда АПЛ чемпионига айланган. Шунингдек, «Селтик» билан Шотландия чемпионлигини қўлга киритган.
Дания миллий жамоаси таркибида эса Евро-2020 бронза медали совриндори бўлган.
