«Ливерпул»нинг собиқ ҳимоячиси Жейми Каррагер «Манчестер Сити»га қарши зудлик билан санкциялар жорий этишга чақирди, чунки шундай ҳолатда клуб ушбу мавсумда Англия Премер-лигасида ғалаба қозониш учун кураша олмайди.
Аввалроқ мустақил комиссия «шаҳарликлар»нинг АПЛ молиявий қоидаларини бузганликларини расман тасдиқлаган эди.
«Агар «Ман Сити» барча воқеаларни билган ҳолда чемпионликни қўлга киритса, чемпионлик унвони ҳам, Премер-лиганинг бу мавсуми ҳам уйдирма бўлиб кўринади. Шунинг учун шу мавсумдаёқ ҳаракат қилиш керак. Менимча, жазо, у қандай бўлишидан қатъи назар, бир мавсум билан чекланиши мумкин эмас, чунки қоидабузарликлар йиллар давомида содир этилган, демак, санкциялар ҳам узоқ йиллар давомида амал қилиши керак», - дея Каррагернинг сўзларидан иқтибос келтиради Sky Sports.
