Италия миллий жамоаси Босния ва Ҳерсеговинага қарши плей-офф финалида мағлуб бўлиб, тарихий антирекорд ўрнатди.
Баҳснинг асосий вақти 1:1 ҳисобида якунланган бўлса, пеналтилар сериясида боснияликлар 4:1 ҳисобида устун келди ва ЖЧ–2026 йўлланмасини қўлга киритди.
Натижада Италия ўз тарихида илк бор кетма-кет учинчи марта жаҳон чемпионати финал босқичида иштирок эта олмайди. Бу эса мундиал ғолиблари орасидаги ноёб антирекорд сифатида қайд этилди.
Сўнгги бор «Мовий гвардия» жаҳон чемпионатида 2014 йилда қатнашган эди. Эслатиб ўтамиз, Италия тўрт карра жаҳон чемпиони ҳисобланади (1934, 1938, 1982, 2006).
