Миллатлар Лигасининг 4-туридан ўрин олган Исроил ва Ирландия миллий жамоалари ўртасидаги учрашувда вакиллари ўртасида кичик можаро юзага келган.
The Irish Times нашри маълумотига кўра, исроиллик футболчилардан бири ирландиялик мураббийга тупурган. Гап Ирландия миллий жамоасининг жисмоний тайёргарлик бўйича мураббийи Дэмиен Дойл ҳақида кетмоқда.
Мутахассиснинг айтишича, жамоалар вакиллари ўртасида юзага келган можаро вақтида, футболчилар ҳамда мураббийлар биринчи бўлимдан сўнг кийиниш хоналари томон йўл олган пайтда унга тупуришган. Ҳозирча бош ҳакам бу ҳолатни учрашувнинг расмий баённомасига киритган ёки киритмагани маълум эмас.
Маълумот ўрнида, ушбу қарама-қаршилик 1:1 ҳисобидаги дуранг натижа билан якунланди. Шунингдек, жамоалар якуний ҳуштакдан сўнг аввалги ўзаро учрашувда бўлгани каби қўл бериб кўришишмади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади