«Интер» «Ливерпул» ҳужумкор яримҳимоячиси Федерико Киеза трансфери бўйича дастлабки музокараларни бошлади. Бу ҳақда журналист Экрем Конур ижтимоий тармоқларда маълум қилди.
Манбага кўра, Италия клуби 29 ёшли вингер билан шартнома имзолаш имкониятини кўриб чиқмоқда. «Ливерпул» эса футболчининг трансфер қийматини 15 миллион евро деб белгилаган.
Киеза ушбу мавсумда Англия Премер-лигасида бор-йўғи битта баҳсда майдонга тушди. Шу сабабли италиялик футболчининг қишки трансфер ойнасида жамоасини ўзгартириши мумкинлиги ҳақида хабарлар пайдо бўлган.
Маълумот учун, Киезанинг «Ливерпул» билан шартномаси 2028-йилнинг ёзигача амал қилади. Тransfermarkt портали футболчининг бозор қийматини 10 миллион еврога баҳоламоқда.
