FIFA президенти Жанни Инфантино Эрон миллий жамоасини 2026 йилги жаҳон чемпионатида иштирок этишини тасдиқлади. Унинг айтишича, форслар ўз ўйинларини АҚШда ўтказади.
«Эрон ЖЧ-2026да ўйнайди. Албатта, АҚШ майдонларида тўп тепади. Сабаби оддий: биз бирлашишимиз керак, одамларни бирлаштиришимиз керак. Футбол бирлаштиради», - деди Инфантино FIFA конгрессида.
Аввалроқ Италия миллий жамоаси 2026 йилги жаҳон чемпионатида Эрон ўрнига иштирок этиш бўйича ҳатто назарий имкониятни ҳам рад этганди.
