Икарди яна А Серияга қайтиши мумкин

«Галатасарай» ҳужумчиси Мауро Икарди турк клубини тарк этиши мумкин, унинг вакиллари футболчининг А Серияга қайтиши имкониятини муҳокама қилмоқда, деб хабар беради Sportmediaset журналисти Орацио Аккомандо.

Шу вақтга қадар «Интер» собиқ сардорининг хизматлари «Милан», «Комо» ва «Рома» клубларига таклиф қилинган.

Маълумот учун, ушбу мавсумда Икарди «Галатасарай» сафида барча турнирларда 21 та ўйин ўтказди ва 8 та гол урди. 32 ёшли аргентиналикнинг турк клуби билан шартномаси жорий мавсум охиригача амал қилади. Портал футболчининг қийматини 6 миллион евро деб баҳолайди.