«Манчестер Юнайтед» вингери Алехандро Гарначо «Челси» футболчисига айланди. Бу ҳақда клуб расмий сайти хабар берди.
Лондон клуби аргентиналик футболчининг трансферини расман эълон қилди. Томонлар 2032 йилгача мўлжалланган шартнома имзолади.
Битим қиймати 40 миллион фунт стерлингни ташкил этади. Шунингдек, «қизил иблислар» аргентиналик футболчи кейинчалик яна сотилса, трансфердан 10% улуш олади.
Ўтган мавсум АПЛда аргентиналик футболчи 36 та ўйинда майдонга тушиб, 6 та гол ва 2 та ассист қайд этган. Аввалроқ Гарначо «Бавария» таклифини рад этгани маълум қилинганди.
