«Барселона» клубининг ҳужумкор яримҳимоячиси Фермин Лопес жамоани тарк этиши мумкинлиги ҳақидаги миш-мишларни рад этди.
Яқинда Британия матбуотида «Манчестер Юнайтед» клуби каталонияликларнинг 23 ёшли тарбияланувчисига қизиқиш билдираётгани ҳақида хабарлар тарқалганди.
«Бундай хабарларга эътибор бермайман. «Барселона»да имкон қадар узоқроқ қолишни истайман ва фаолиятимни айнан шу клубда якунлашга умид қиламан», — деди Фермин «Алавес»га (6:1) қарши Испания чемпионати ўйинидан сўнг.
Ушбу баҳсда яримҳимоячи 1 та гол уриб, 2 та голли узатмани амалга оширди. У гол урганидан сўнг «Барселона» эмблемасини ўпди ва кейин унга ишора қилди.
Фермин «Барса»ни тарк этиши ҳақидаги хабарларга муносабат билдирди
Футбол
2 ноябр, 07:32
23 ёшли яримҳимоячига «МЮ» қизиқаётгани хабар қилинганди.
Foto: Getty Images
