«Комо» бош мураббийи Сеск Фабрегас жамоанинг тез суръатларда ривожланаётгани ҳақида фикр билдирди.
«Ҳа, «Комо» кўп пул сарфлади. Бироқ клубнинг ривожланиши, очиғини айтганда, мисли кўрилмаган суръатларда кечди.
«ПСЖ» юзлаб миллион евро сарфлади ва Чемпионлар Лигасида ғолиб чиқиш учун 15 йил кутди. «Арсенал»га эса АПЛда ғолиб бўлиш учун 7 йил керак бўлди.
Мен сарфланган маблағларга эмас, жамоа ва ҳар бир футболчидан максимал даражада фойдалана оляпмизми-йўқми, шунга кўпроқ эътибор қаратаман.
Шуни ҳам ҳисобга олиш керакки, бизнинг маошлар фонди унчалик катта эмас. Лигада биздан кўра маошлар учун кўпроқ маблағ сарфлайдиган 8 ёки 9 та жамоа бор», — деди Фабрегас.
Аввалроқ испаниялик мутахассис ёш футболчиларни тарбиялашда Италия футболига бўлган ишончи ҳақида гапириб ўтганди.
