«Реал» вингери Ян Диоманде жамоадаги ўйин вақти борасида ўз фикрларини билдирди.
Эслатиб ўтамиз, «қироллик» клуби ёзги трансферлар ойнасида африкалик футболчини «Лейпциг»дан қарийб 125 миллион еврога сотиб олган эди. Футболчи ҳозиргача жамоа сафида асосий таркибда атиги икки ўйинда майдонга тушди.
«Ҳеч нарса ўзгаргани йўқ. Клубда кам ўйнаётган бўлсам ҳам, машғулотларда астойдил меҳнат қиляпман. У ердаги машғулотлар жуда юқори интенсивликда ўтади. Мураббий Жозе Моуринио менга ишонаётгани ва ўйин вақти бериб тургани яхши. Босим менга ёқади. Чунки босим мени бор кучим билан ишлашга мажбур қилади. Бундан ташқари, мен юқори стандартлар одатий ҳол бўлган клубда ўйнаяпман. Мен аввалгидек қолганман. Балки сизлар учун мен юлдуздирман, аммо ўзим учун ҳали ҳам ўша инсонман», — дея Диоманденинг сўзларидан келтиради Trivela.
