«Интер» ҳимоячиси Федерико Димарко «Наполи»га қарши ўйинда чап тиззасидан жароҳат олди.
Италиялик футболчи А Сериянинг 3-туридан ўрин олган ва миланликларнинг 3:2 ҳисобидаги ғалабаси билан якунланган учрашувнинг 62-дақиқасида майдонни тарк этди.
Текширувдан сўнг Димаркога чап тиззасининг енгил чўзилиши ташхиси қўйилди. «Интер» футболчининг соғлиғини хавф остига қўйишни истамаётгани боис унинг Чемпионлар Лигасида «Реал»га қарши ўйинда иштирок этиши сўроқ остида қолмоқда.
Қайд этилишича, ҳозирча Димарконинг Мадриддаги ўйинда асосий таркибда майдонга тушишини тасаввур қилиш қийин. Бироқ у жамоа билан бирга Испанияга бориши мумкин.
Маълумот ўрнида, «Реал» – «Интер» учрашуви 8 сентябрдан 9 сентябрга ўтар кечаси «Бернабеу» стадионида бўлиб ўтади.
