Чехия футбол ассоциацияси (FAČR) испаниялик мутахассис Сантяго Дения мамлакат миллий жамоаси бош мураббийи этиб тайинланганини маълум қилди.
«Бу ерда эканимдан жуда хурсандман. Чехия миллий жамоасини бошқариш имкониятини катта шараф деб биламан ва жуда катта иштиёқ билан иш бошлашни кутяпман. Чехия футболи бой тарихга эга. Улкан мақсадларга қаратилган лойиҳасига қўшиляпман ва биргаликда муваффақиятларга эришишимизга ишонаман. Энг катта истагим — имкони борича тезроқ ишга киришиш», — деди Дения.
Сантяго мураббийлик фаолияти давомида «Атлетико» клуби тизимида ишлаган. Шунингдек, у Испаниянинг ўсмирлар, ёшлар ва олимпия жамоаларига бошчилик қилиб, халқаро миқёсда катта тажриба орттирган.
