«Барселона» 19 ёшли яримҳимоячи Марк Бернал билан шартномани 2031 йилнинг 30 июнига қадар узайтиради. Клуб аллақачон футболчининг агентлари билан бу борада келишиб олган ва тез орада янги келишув ҳақида эълон қилади.
«Кўк-анорранглилар» спорт директори Деку шартларни маъқуллаган. Фабрицио Романонинг хабар беришича, унинг келажакдаги маоши маълум қилинмаган, бироқ у оширилади.
Эслатиб ўтамиз, Марк Берналнинг клуб билан амалдаги шартномаси 2029 йилнинг 30 июнига қадар мўлжалланган.
Transfermarkt портали ёш, иқтидорли яримҳимоячининг актуал трансфер нархини 30 миллион еврога бахоламоқда.
Маълумот учун, 2026/2027-йилги мавсумда Бернал барча клуб иштирок этаётган мусобақалардаги беллашувларни инобатга олганда еттита ўйинда майдонга тушиб, 2 та голли узатмани амалга оширган.
