Англиянинг «Челси» жамоаси ҳимоячиси Уэсли Фофананинг номзоди Испаниянинг «Барселона» клубида кўриб чиқилмоқда.
Бу ҳақда Sky Sport хабар берди.
Манбага кўра, яқинда футболчининг вакиллари унинг хизматларини «Барселона»га таклиф қилган. Испания клубида яқинлашаётган трансфер ойнаси олдидан турли сценарийларни кўриб чиқишмоқда. Сўнгги ҳафталарда Каталония клуби вакиллари ва футболчига яқин инсонлар ўртасида музокаралар олиб борилди.
«Челси» футболчининг кетишига қарши эмас, аммо клуб бу трансфердан камида 30 млн евро ишлаб олишни режа қилган. Бундан ташқари, «Барселона» раҳбарияти бу вазиятда кейинчалик сотиб олиш ҳуқуқи билан ижарага олиш вариантини ўрганиб чиқмоқда.
