Бу ҳақда Bild нашри хабар берди.
Мадриднинг «Атлетико» клуби англиялик вингер Жейдон Санчони ўз сафига қўшиб олмоқчи.
Манбанинг хабарига кўра, испан клуби вазиятни синчковлик билан кузатмоқда ва англиялик вингерни жамоа ҳужумини кучайтира оладиган футболчи сифатида кўрмоқда, бироқ ҳали ҳам Санчонинг агентларига расмий таклиф билан чиқмаган.
«Манчестер Юнайтед» билан июл ойи аввалида шартномаси муддати якунланган Жейдон эркин агент бўлиб турибди. 26 ёшли футболчини Дортмунднинг «Боруссия»си ҳам ортга қайтариш ҳақида ўйламоқда.
Немислар Санчо маоши сезиларли равишда қисқаришига рози бўлса, у билан шартнома имзолашга тайёрлар. Унинг асосий маоши тахминан 5 миллион евро бўлиши кутилмоқда. Бундан ташқари, «Боруссия» натижаларга асосланган шартномага умид қилмоқда. Англиялик футболчи клубга текинга тушишига қарамай, «арилар» раҳбарияти шартнома имзолагани учун бонус пули тўлашга тайёр эмас.
