«Астон Вилла» 44 йилдан сўнг илк бор еврокубок финалида ўйнайди.
Унаи Эмери бошчилигидаги жамоа яримфиналда «Ноттингҳэм Форест»ни мағлуб этиб (0:1, 4:0), Европа Лигаси финалига йўл олди. Финалда Бирмингҳэм клуби «Фрайбург»га қарши майдонга тушади.
«Астон Вилла» сўнгги марта 1982 йилда еврокубок финалида ўйнаганди — ўшанда клуб Европа чемпионлар кубогининг ҳал қилувчи баҳсида «Бавария»ни 1:0 ҳисобида мағлуб этиб, бош совринни қўлга киритганди.
Шунингдек, бирмингҳэмликлар 2001 ва 2008 йилларда икки марта Интертото кубоги ғолибига айланган.
«Фрайбург» эса ўз тарихида илк бор еврокубок финалига чиқди. Бунга қадар немис клубининг энг яхши натижаси Европа Лигаси 1/8 финалига чиқиш бўлган — жамоа бунга 2022/23 ва 2023/24 йилги мавсумларда бунга эришган.
Европа Лигаси финали 20 май куни Истанбул шаҳрида бўлиб ўтади.
