«Арсенал» собиқ футболчиси Андрей Аршавин «тўпчилар»нинг чемпионликдаги муваффақиятида Микел Артетанинг ролини алоҳида таъкидлади.
«Артетанинг роли жуда муҳим. Футболчилар орасидан кимнидир алоҳида ажратмаган бўлардим. Мавсумнинг ҳар бир босқичида клубнинг ўз етакчиси бўлди. Энг муҳими — уларни айнан Артета бирлаштира олди», — деди собиқ футболчи «Матч ТВ» эфирида.
Эслатиб ўтамиз, испаниялик мутахассис «Арсенал»ни 2019 йилдан бери бошқариб келмоқда. 30 май куни лондонликлар ушбу мавсумда яна бир совринни қўлга киритиш имкониятига эга. Чемпионлар Лигаси финалида «Арсенал» Франциянинг «ПСЖ» жамоасига қарши майдонга тушади.
Аввалроқ Аршавин «Барселона»нинг кейинги мураббийи ким бўлишини тахмин қилганди.
