«Байер» клуби ҳужумчиси Кристиан Кофане фаолиятини Англия Премер-лигасида давом эттириши мумкин. Бу ҳақда инсайдер Экрем Конур маълум қилди.
Манбага кўра, «Арсенал», «Эвертон», «Астон Вилла» ва «Нюкасл» жамоалари камерунлик 20 ёшли футболчини ўз таркибига қўшиб олиш учун даъвогарлик қилмоқда.
Леверкузен клуби Кофаненинг трансферидан камида 40 миллион евро ишлаб олишни режалаштирган. Ҳозирча қайси клуб футболчи учун расмий таклиф билан чиқиши аниқ эмас.
Кристианнинг «Байер» билан амалдаги шартномаси 2029 йилнинг ёзига қадар амал қилади. Кофане бу мавсумда Бундеслиганинг 4 та ўйинида майдонга тушиб, 2 та гол урди.
Аввалроқ Арсенал» клуби «Лейпциг» вингери Антонио Нуса учун курашга қўшилганди.
