Франция миллий жамоасида дебютини ўтказган хужумчи Эстебан Лепол фаолиятини Англия Премер-лигасида давом эттириши мумкин. Бу ҳақда журналист Экрем Конур хабар берди.
Манбага кўра, 26 ёшли футболчининг ўйинларини «Брентфорд», «Эвертон», «Астон Вилла», «Лидс» ва «Брайтон» кузатиб бормоқда. Бу клублар футболчи атрофидаги вазиятни диқат билан кузатмоқда.
Леполнинг «Ренн» билан амалдаги шартномаси 2030 йилнинг ёзига қадар мўлжалланган. Клуб унинг эҳтимолий трансферидан 50–60 миллион евро ишлаб олишни режалаштирмоқда.
Леполь бу мавсумда Франция чемпионатида бешта учрашувда майдонга тушиб, учта гол муаллифи бўлди.
Аввалроқ «Астон Вилла» қишда «Реал»дан Эндрикни ижарага олмоқчилиги хабар қилинганди.
