6 нафар футболчи «Пахтакор»ни эркин агент сифатида тарк этди. Бу ҳақда клуб матбуот хизмати хабар берди.
«Шартномаси якунлангани сабабли жамоамиз олти нафар футболчи билан хайрлашди. Никита Шевченко, Жонатан, Умар Адҳамзода, Диёр Холматов, Брайан Риаскос ва Бобур Абдухолиқов эркин агент сифатида «Пахтакор» билан хайрлашди», — дейилади хабарда.
Маълумот ўрнида, «шерлар» ўтган мавсум Суперлигада 60 очко тўплаб, 2-ўринни қўлга киритганди. Аввалроқ «Пахтакор» Бозоров, Насруллаев ва Қувватов трансферларини эълон қилганди.
Фото: FC Pakhtakor
