Кадзуйоши Миура расмий ўйинларда қарийб тўрт йилдан кейин илк голини урди.
Аввалроқ Япониянинг куч жиҳатидан учинчи лигасида иштирок этувчи «Фукусима Юнайтед» клуби ҳуқуқий жиҳатдан «Йокоҳама»га тегишли бўлган 59 ёшли футболчи билан ижара шартномасини узайтирганини эълон қилганди.
Миура Император кубоги доирасидаги «Иваки Фурукава»га (7:0) қарши баҳсда тўп киритди.
Яримҳимоячи беллашувнинг 52-дақиқасида жарима майдончасига ёриб кириб, жамоадошининг узатмасини биринчи тегинишдаёқ аниқ зарба билан дарвозага йўллаб, ҳисобни 5:0 га етказди.
Ўйин куни 59 ёшу 149 кунлик бўлган Миура голни жамоадошлари билан нишонлагач, уч дақиқа ўтиб майдонни тарк этди.
Бу футболчининг расмий баҳсларда 2022 йил ноябридан бери биринчи голи бўлди. Ўшанда у «Атлетико Сузука» сафида Япония лигасиси доирасида «Осака»га қарши ўйинда гол урганди.
59 ёшли Миура 4 йиллик танаффусдан сўнг гол урди
Футбол
26 июл, 12:13
Футболчи Император кубогида тўп киритди.
Foto: Getty Images
