Bu haqda La Gazzetta dello Sport nashri xabar berdi.
«Chelsi» markaziy himoyachisi Benua Badiyashilga Italiyaning yana bir top-klubi qiziqish bildirdi.
25 yoshli futbolchiga asosiy da’vogar yaqingacha ham «Napoli» hisoblangan, biroq neapolliklar amalda kelishuvga erishgan bo‘lsa-da, muzokaralarni to‘xtatgan edi.
La Gazzetta dello Sport jurnalisti Jovanni Albanezening ma’lumotlariga ko‘ra, vaziyatdan «Yuventus» foydalanishi mumkin: «keksa siniora» fransiyalikni keyinchalik sotib olish huquqi bilan ijaraga olish imkoniyatini ko‘rib chiqmoqda. Kelishuvga vinger Fransishku Konseysau ham qo‘shilishi mumkinligi istisno qilinmayapti.
Ma’lumot uchun, himoyachining «Chelsi» bilan amaldagi shartnomasi 2030-yilgacha mo‘ljallangan.
Transfermarkt portali Benuaning aktual transfer narxini 15 million yevroga baholamoqda.
