Keng jamoatchilik e’tiboriga tushgan golkiper Vozinya faoliyatining navbatdagi sahifasini Chilida boshladi. Bu yerda u mahalliy «Kolo-Kolo» klubi sharafini himoya qiladi.
Yangi jamoasi safidagi birinchi bahsida u darvozasi daxlsizligini saqlab qolishni uddaladi - qiziq tomoni shundaki, bu o‘yindagi raqib nomida ham Ispaniyani eslatib yuboradigan so‘z bor edi. «Kolo-Kolo» Chili Kubogida 3:0 hisobida «Union Espanyol» jamoasini taslim etdi.
Eslatib o‘tamiz, Vozinyaning jahon chempionatidagi sarguzashtlari ham aynan Ispaniyaga qarshi muvaffaqiyatli bahsdan boshlangan edi. O‘shanda Vozinya bo‘lajak chempionlar darvozasini ishg‘ol etishiga imkon bermagandi.
