Кенг жамоатчилик эътиборига тушган голкипер Возиня фаолиятининг навбатдаги саҳифасини Чилида бошлади. Бу ерда у маҳаллий «Коло-Коло» клуби шарафини ҳимоя қилади.
Янги жамоаси сафидаги биринчи баҳсида у дарвозаси дахлсизлигини сақлаб қолишни уддалади - қизиқ томони шундаки, бу ўйиндаги рақиб номида ҳам Испанияни эслатиб юборадиган сўз бор эди. «Коло-Коло» Чили Кубогида 3:0 ҳисобида «Унион Эспанёл» жамоасини таслим этди.
Эслатиб ўтамиз, Возинянинг жаҳон чемпионатидаги саргузаштлари ҳам айнан Испанияга қарши муваффақиятли баҳсдан бошланган эди. Ўшанда Возиня бўлажак чемпионлар дарвозасини ишғол этишига имкон бермаганди.
