O‘zbekiston milliy jamoasi sobiq futbolchisi Akmal Shorahmedov murabbiylik faoliyatini «Qizilqum»da davom ettiradi. Bu haqda klub matbuot xizmati xabar berdi.
«Jamoamizda yangi murabbiy ish boshladi. Faoliyati davomida Andijonning «Andijon», Toshkentning «Lokomotiv», Termizning «Surxon» jamoalarida ishlagan tajribali mutaxassis Akmal Shorahmedov endilikda klubimizda jismoniy tayyorgarlik bo‘yicha murabbiy sifatida ish yuritadi.
Klubimiz rahbariyati ushbu murabbiy bilan yil yakunigacha shartnoma imzoladi», — deyiladi xabarda. Avvalroq Jamshid Saidov «Qizilqum» bosh murabbiyi etib tayinlangandi.
