«Atalanta» bosh murabbiyi Mauritsio Sarri jamoa ketma-ket uchta uchrashuvda mag‘lub bo‘lganiga qaramay, Bergamo klubidagi ishini davom ettiradi. Bu haqda insayder Nikolo Skira xabar berdi.
Manbaga ko‘ra, «Atalanta» rahbariyati 67 yoshli tajribali mutaxassisga ishonch bildirishda davom etmoqda. Klub rahbariyati hozircha Sarri bilan hamkorlikni to‘xtatish yoki boshqa murabbiy izlash niyatida emas.
Ma’lumot uchun, «Atalanta» Italiya chempionatining dastlabki besh turidan keyin 6 ochko jamg‘argan va turnir jadvalida 11-o‘rinni egallab turibdi.
Sarri jamoasi navbatdagi bahsini 12-oktabr kuni o‘z maydonida «Venesiya»ga qarshi o‘tkazadi.
Mauritsio murabbiylik faoliyati davomida «Empoli», «Verona», «Napoli», «Chelsi», «Yuventus» va «Latsio» kabi jamoalarda ishlagan.
