Ronalduning onasi: «O‘g‘lim old eshikdan parad bilan chiqib ketishi mumkin edi, ammo orqa eshikdan ketdi»

Krishtianu Ronalduning onasi Dolores Aveiru o‘g‘lining Jorje Jezush bilan yuzaga kelgan ziddiyat fonida Portugaliya milliy jamoasini tark etganiga munosabat bildirdi.

«Xafa bo‘lganim — tabiiy hol. Bu men uchun shok bo‘ldi. O‘g‘lim old eshikdan parad bilan chiqib ketishi mumkin edi, ammo u orqa eshikdan ketdi. Lekin, mayli, hammasini Yaratganning o‘zi izga soladi…

Biroz yig‘ladim. His-tuyg‘ularni tashqariga chiqarish ham yaxshi. Endi bu sahifani yopib, oldinga qarash kerak.

U menga: «Ona, xavotir olmang, hammamiz birga bo‘lganimizda sizga haqiqatni aytib beraman», dedi. Men esa: «Xo‘p, o‘g‘lim, buni ham boshdan o‘tkazishimiz kerak», deb javob berdim. Shu bilan gap tugadi.

Unga tinchlanishni aytdim, ammo u o‘z aqli bilan shunday qarorga keldi. Ko‘ramiz, nima bo‘lar ekan. Uni qo‘llab-quvvatladim, lekin bu yordam bermadi.

Lekin u Portugaliya uchun juda ko‘p ish qildi. Shuning uchun hamisha biz bilan bo‘ladi. U doimo Portugaliya qahramoni bo‘lib kelgan. Krishtianuni munosib darajada qadrlashmayapti», — dedi 71 yoshli ayol TV 7 Dias nashriga bergan intervyusida.